Bókmennta- og listfræðastofnun er vettvangur rannsókna og útgáfu á sviði íslenskra bókmennta, almennrar bókmenntafræði, kvikmyndafræði, listfræði, ritlistar og menningarfræði.
Unnið er að margvíslegum verkefnum á vegum stofnunarinnar og má þar nefna þýðingar, ritstjórn og útgáfu bókmennta og fræðirita. Stofnunin stendur einnig fyrir málþingum um bókmenntir og bókmenntafræði og veitir félagsmönnum útgáfustyrki.
Að Bókmennta- og listfræðastofnun standa allir fastráðnir starfsmenn í Íslensku- og menningardeild sem sinna kennslu og rannsóknum á sviði bókmennta og annarra listgreina við Háskóla Íslands.
Bókmennta- og listfræðastofnun hefur aðsetur innan veggja Hugvísindastofnunar (sbr. 4. gr. reglna um Hugvísindastofnun Háskóla Íslands) í Aðalbyggingu HÍ við Sæmundargötu, 102 Reykjavík.
Stjórnarformaður Bókmennta- og listfræðastofnunar er Rúnar Helgi Vignisson (rhv@hi.is).
Sjá nánar um hlutverk stofnunarinnar í starfsreglum hér á heimasíðunni.