Alsæi, vald og þekking

Í Alsæi, vald og þekking eftir franska hugsuðinn Michel Foucault eru eftirfarandi textar:

• „Lagsmeyjarnar", úr Orðum og hlutum,    
• greinin „Hvað er höfundur?",    
• kaflarnir „Líkami hinna dæmdu", og    
• „Alsæishyggja" úr Gæslu og ögun,    
• kaflarnir „Við hinir, viktoríumenn" og    
• „Bælingartilgátan" úr Sögu kynhneigðarinnar, og loks    
• greinin „Nietzsche, sifjafræði, saga".

Michel Foucault (1926-1984) var einn áhrifamesti hugsuður heims á sviði mann- og félagsvísinda á síðari hluta 20. aldar. Í bókum sínum fjallaði hann um hvernig nútíminn væri skilgreindur og um forsendur hans og virkni. Foucault mótaði nýja aðferðafræði og hugsunarhátt, ekki síst með bókum sínum um fangelsismál og kynhneigð, og fór þar langt út fyrir flestar fyrri hefðir.

Viðfangsefni Foucaults voru margvísleg og falla undir mörg fræðasvið, t.d. heimspeki, sagnfræði, sálfræði, málvísindi og bókmenntafræði.

Meginkenningar hans lúta að tengslum valds og þekkingar, sem og orðræðukerfum í vestrænni hugsun. Hann gagnrýndi mjög félagslegar einingar sem ganga út frá samsemd og heildstæðni, ekki síst allt sem varðar kynhneigð og einskorðun hennar.

Höfundur:Michel Foucault

Þýðendur: Björn Þorsteinsson, Garðar Baldvinsson og Sigurður Ingólfsson

Ritstjóri: Garðar Baldvinsson

Útgefandi: Bókmenntafræðistofnun

Útgáfuár 2005

ISBN 9979-54-681-6

Blaðsíður: 240